Part6.md

#الجزء_السادس :

السلام عليكم، في الأجزاء اللي فاتت شفنا Text Processing، Speech Recognition و خدينا معلومات نظرية أساسية و دابا جا الوقت باش نبداو lpratique غانحاولو نقادو bot خدام على الكلاود بالذكاء الاصطناعي و هادشي باستخدام Dialogflow.

هاد Dialogflow هو اللي كان سميتو api.ai من قبل و شراتو google و هو اللي كايتيح ليك أنك تستخدم خورازميات الذكاء الاصطناعي و التعلم الالي باش تدير recognition لـ Text و تستخرج لـ context. يعني عطيه غير Text وتهنى مع راسك.

تخيل أنك بغيتي تقاد bot بوحدك بدون استعمال dialogflow غاتلقى بزاف تاع المشاكل اللي غادي تحلهم من بعد و لكن dialogflow مسهلهم عليك. أوك نعطيك مثال باش تفهم أكثر، تخيل أنك قلتي للبوت تاعك check the weather for today و عاودي قلتي ليه remindme to do my homeworks today ، المشكل اللي كاين هنا أن today فالأول مرتبطة بسياق موضوع و فالثاني مرتبطة بسياق موضوع آخر. و هنا فين كاتبان الأهمية تاع dialogflow حيت كايخلي لبوت تاعك يفهم و يربط الكلمات بسياق الموضوع.

علاش dialogflow :

كايوفر ليك خاصية speech recognition باش تتكلم مع البوت تاعك نعام آس .

موجد ليك خوارزميات تاع الذكاء الاصطناعي و الماشين ليرنينغ فالكلاود و بالمجان.

كيمكنك انك تستعمل البوت تاعك فجميع الأجهزة بحال : amazon home, google home, smart tv

كايمكنك أنك تستخدمو على Twitter, Facebook, google asisstant و غيرها من plateforms.

شنو خاصني كمبتدئ باش نبدى نخدم بـ dialogflow :

حساب جوجل.

معرفة بسيطة فـ Python أو Php أو Js على قبل واحد الحاجة سميتها Web hooks حيت من بعد غايخصك تجيب Data من سيرفر أخر أو من شي ai model.

يكون عندك مع اللغة الإنجليزية، حيت راك غاتعامل مع لـ context و خاصك تكون عارف شنو عطيتي لـ bot باش يقدر يتعلم من دكشي اللي عطيتيه. اصلا اللغة الإنجليزية من غير هادشي راه خاص تكون شادها.

الصورة اللي حطيت هي الواجهة الأولى باش تقاد بوت، من بعد كاياوجهك لـ interface وحدة أخرى و هي اللي غادي تخدم بها باش تبني البوت تاعك. يمكن ليك تتبع documentation باش تفهم أكثر.

إسماعيل فداوي ❤️